Sampung mga Halimbawa ng mga Bagay na Kadalasang Ginagawa ng mga Tao sa Ating Panahon

                                  Mga Kulturang Popular sa Ating Panahon

         

          Ito ang aking mga nakalap na impormasyon at kaalaman tungkol sa mga kulturang popular na ginagawa ng tao sa pang araw-araw,o pang taon-taon sa buhay. Bagamat ito ay nakakabuti meron din namang mangilan-ngilang hindi mabuting epekto nito sa buhay ng bawat tao. May kasabihan nga tayo na “ pag labis na ang isang bagay ay nakakasama ito”. Ito ang sampung mga halimbawa sa pang araw-araw na kadalasang ginagawa ng tao. Kadalasan sa mga bagay na ito ay sariling opinyon lamang at hindi dumaan sa masusing pagsusuri o ano paman.

           

    Pagtatrabaho – ang pagtatrabaho ay ginagawa na ng mga tao kahit pa noong unang panahon ng  nilikha  tayo ng Panginoon at nagkasala ayon sa Bibliya. Kinakailangang magtrabaho ang tao upang mabuhay kaya sa araw-arw tayo ay nagtatrabaho. Nakakatulong ito upang makamit ang mga pangarap at makamtan ang mga bagay na minimithi. Ang pagtatrabaho ay tanda ng pagka buhay sapagkat habang tau ay nabubuhay ay kailangan nating magtrabaho. Ngunit hindi natin  maipagkakaila na sa sobrang trabaho ay unti-unti na palang may masamang epekto ito sa atin at sa mga bagay na nakapaligid sa atin, sa labis na pagtatrabao ay minsan napabayaan na ang sariling kalusugan kadalasan sa labis na pagtatrabaho ay nagkakasakit tayo ng over fatigue  at iba pa, minsan din ay napapabayaan ang pamilya sapagkat sa labis na pagtatrabaho ay wala kanang oras para sa kanila. Kaya kailangang balanse ang lahat ng iyong oras para sabay sa pagkamit sa mga mithi ay hindi napapabayaan ang mga bagay na mahalaga sa iyo.

    Pag-aaral – ang pag-aaral ay tanda ng katalinuhan ika nga na “kung gusto mong maging matalino ay gawin mo ang ginagawa ng mga matatalino”. Ang pag-aaral ay kailangan ng tao sa buhay ito ay upang mapalawak ang pag-uunawa at kaalaman sa mga bagay-bagay sa syang gabay mo sa pang araw-araw na pamumuhay. Maraming tao ang nais makamit ang panibagong kaalaman sa ara-araw kaya marami ang nag-aaral, ngunit sa kabilang banda naman sa sobrang pag-aaral ay  napapabayaan na ang sarili, mas inu-una pa ang pag-aaral kaysa sa mga bagay na dapat gawin, halimbawa ay ang hndi na makakain at makatulog  sa tamang oras, na syang sanhi ng pagkakasakit.

    Pagsa-shopping o Pamimili -  ang pagsashopping  ay kadalasang ginagawa ng tao upang maglibang at bumili ng mga bagay na kailangan upang mabigyan ang sarili ng kakontentuhan sa mga bagay-bagay. Kadalasan ito rin ang tanda ng pagka galante sapagkat ito ay isang libangan na kung saan ay kailangan mong gumastos, Sa gawaing ito at hindi mo lang nabibigyang katuparan ang iyong mga material na mithi kundi nakakalibang din itong gawin, subalit ito rin ay hindi maganda kapag labis na ang iyong pamimili dahil kung wala kang pigil ay hindi mo ma buget ng husto ang pera mo’t hahantong ka sa pangungutang na kung saan ay hindi maganda.

  

     Pagpasyal sa Magagandang Lugar – ang pamamasyal sa magagandang ang siyang laging ginagawa ng mga tao at kadalasan nilang ginagawa ito may mga okasyon man o wala, kadalasan kada katapusan ng linggo o bakasyon ang mga tao ay namamasyal sa magagandang lugar tulad ng mga resort o ano paman. Ito ay simbulo ng pagmamahal sa sarili dahil nililibang mo ito pagkatapos ng mahaba-habang trabaho o pag-aaral man, ang hindi lang mabuti ay kung puro ka nalang pasyal at wala nang trabahong ginagawa.

.     

Pagsisimba – ang pagsisimba ay tanda ng pagka maka Diyos sapagkat dito ay sinasamba mo ang Panginoon at nagpapasalamat ka sa mga bagay na kung anong meron at humihiling sa mga bagay na wala pa, na syang tanda na meron kang kinikilalang Dyos na may ari ng lahat. Ito rin ay ang gawaing nakasanayan na mula pa noong unang panahon na kung saan ay pinakilala sa atin ng mga kastila ang isang relihiyon na may Diyos na kinikilala. 

   

     

     Pagdiriwang ng kaarawan – taon-taon ay nakasanayan na natin na magdiwang ng kaarawan, ito ay tanda ng pasasalamat sa bago nanamang taon sa ating buhay na nadaragdag at ito ay pag gunita sa araw ng kapanganakan. Ngunit sa kabilang banda ay maraming tao ang pilit na nagdiriwang ng ingrandeng  kaarawan kahit kapos kaya ito ay humahantong sa hindi magandang resulta na kung saan ay nabaon sa utang at wala na halos makain sa susunod na mga araw.

    Pagdiriwang ng Kapyestahan – tulad ng kaarawan ay nakasanayan na rin ng nakararami ang pagdiriwang ng pyesta na kung saan ay nagtitipun-tipon ang mga tao upang magsaya,kumain at kung ano-ano pa. Ito rin ay tanda ng pagka relihiyoso sapagkat ito ay isa sa pagdiriwang ng araw ng isang santo. Ngunit sa kabilang banda tulad ng kaarawan ay maraming ding tao ang pilit na nagdiriwang ng ingrandeng  kapyestahankahit kapos kaya ito ay humahantong sa hindi magandang resulta na kung saan ay nabaon sa utang at wala na halos makain sa susunod na mga araw at mga buwan.

   Panunuod ng konsyerto – ang panunuod ng konsyerto ay tanda ng pagkahilig sa musika, ditto ay naipapakita natin an gating suporta sa mga artistang may gawa ng mga paburito nating mga kanta, at dito rin ay nabibigyang aliw natin ang ating sarili na kung saan ay nakabubuti ito sapagkat nagdudulot ito ng saya. Ngunit ito rin ay hindi maganda kung ang pinapanood at pinakikinggan ay may kalaswaan na’t nkakadulot ng masamang epekto sa ating sarili.

credit to the owner of this photo

   

     Paglilinis ng boong bahay at bakuran – ang gawaing ito ay tanda ng pagiging mkamalinis na tao, sa halip na manood ng konsyerto,mag shopping, manood ng sene at kung ano ano pang libangan ang gagawin ay may mga tao talagang mas nalilibang na gawin ang paglilinis ng bahay at harden na sya naming nakaugalian na natin simula pa noon, ito nga naman ay mabuti ngunit pag napasobra na ay napipigilan mo na ang iyong sarili na makihalubilo sa mundo dahil nasa bahay ka lang araw-araw.

.   

    Pagdiriwang ng bagong taon at kapaskuhan – simula pa sa ating mga ninuno ay nakasanayan ng gawin ang bagay na ito na sya namang ginagawa natin hanggang sa ngayon, taon-taon ay ipinagdidiwang natin ang pasko at bagong taon na sya namang isa sa pinaka espesyal na araw sa boong taon, dito ay nagsasaya ang mga tao, tumatawa,kumakain at nagsasama. Maganda talaga ang araw na ito kaya lang kadalasan ay marami ang nadidisgrasya dahil kasabay ng pagdiriwang ay ang pagpapaputok ng mga paputok na kung saan ay marami ang tinatamaan at nadadala sa ospital at maaring ikamatay pa.

Ito ay ilan lamang sa mga bagay na kadalasang ginagawa ng mga tao  sa pang araw-araw na buhay upang mabuhay at malibang  habang nanahan sa ibabaw ng lupa. Isang kultura o kaugaliang nakasanayan na at nananatiling ginagawa at gagawin mula noon hanggang sa susunod pang mga henerasyon.

Inihanda ni: Menard   B. Bermudez

                                                                                               Ipinasa Kay: G. Leni     V.    Fresnido

Marso 2019